Պորտուի «Դրագաո» մարզադաշտի դահլիճում տեղի ունեցավ «Շախտյորի» գլխավոր մարզիչ Միրչա Լուչեսկուի մամլո ասուլիսը: Նա պատասխանեց «Պորտուի» հետ Չեմպիոնների լիգայում առաջիկա խաղի մասին հարցերին, որը տեղի կունենա այսօր՝ սեպտեմբերի 13-ին:
«Մեզ համար կարևոր է դուրս գալ Չեմպիոնների լիգայի խմբից, դա է մեր այսօրվա նպատակը: Չեմ կարծում, որ հիմա մենք պատրաստ ենք դառնալ Չեմպիոնների լիգայի հաղթող: Դա շատ երկար ու լուրջ աշխատանք է, որը պետք է քայլ առ քայլ անել: Ներկայումս մեզ համար կարևոր է խաղալ ուժեղ ակումբի դեմ: Դաշտում կխաղան ոչ թե առանձին կատարողներ, այլ երկու ուժեղ թիմ»,-Լուչեսկուի խոսքերն է մեջբերում «Շախտյորի» պաշտոնական կայքը:
«Մեզ դիմակայելու է «Շախտյորը», որը ուժեղ ակումբ է բազմաթիվ գերազանց խաղացողներով: Սակայն, անկասկած, մենք ամեն ինչ ունենք հաջողության հասնելու համար: Վստահ եմ, մթնոլորտը մարզադաշտում գերզանց կլինի: Ողջ կյանքում ես աշխատել եմ նման մեծ պատասխանատվություն ապրելու համար»,-ասել է «Պորտուի» գլխավոր մարզիչ Վիտոր Պերեյրան:
Հենրիխ Մխիթարյանի թիմը չեմպիոնների լիգայում հայտնվել է G խմբում «Զենիթի», «Պորտուի» ու «Ապոելի» հետ:
