ՎԶԵԲ-ը «Սարանիստ» ընկերությանը կտրամադրի 3 մլն դոլար
Վերակառուցման և զարգացման եվրոպական բանկը ( ՎԶԵԲ) 3 մլն դոլար է տրամադրելու «Սարանիստ» ընկերությանը, որն արտադրում է ապակյա տարաներ:
Ինչպես նշվում է ՎԶԵԲ մամլո հաղորդագրությունում, հատկացված միջոցներն օգտագործվելու են նոր վառարանի և ապակու արտադրության նոր հոսքագծի շինարարության համար: Դա թույլ է տալու ընկերությանն ընդլայնել իր արտադրական ծավալները և այլընտրանքային տարբերակներ առաջարկել ապակե ավելի թանկ ներկրվող ապրանքներին:
ՎԶԵԲ-ի ագրոբիզնեսի բաժնի տնօրեն Ժիլ Մետետալի խոսքով, մասնավոր բիզնեսին աջակցելը Հայաստանում բանկի առավելություններից մեկն է:
«Սարանիստ» ընկերությունը հիմնվել է 1989-ին և Հայաստանում գունավոր ապակու արտադրության առաջատար ձեռնարկություններից է: Արտադրանքն իրացվում է տեղի շուկայում, ինչպես նաև արտահանվում է Վրաստան:
