Ստամբուլում շարունակվում է ըմբշամարտի աշխարհի առաջնությունը, որը մեկնարկել է սեպտեմբերի 12-ին և կտևի մինչև ամսի 18-ը: Սեպտեմբերի 14-ին ելույթ կունենան մինչև 74կգ քաշային կարգի հունահռոմեական ոճի ըմբիշները:

Հայաստանը կներկայացնի Եվրոպայի չեմպիոն և աշխարհի առաջնության արծաթե մեդալակիր Արսեն Ջուլֆալակյանը: Նա կսկսի նախնական փուլից և կմրցի Սավերիո Սկարամուցցիի հետո (Իտալիա):

Աշխարհի առաջնությունում Լոնդոնի 2012թ. Օլիմպիական խաղերի ուղեգրեր են խաղարկվում: 1-5-րդ տեղերը զբաղեցրած ըմբիշները Օլիմպիադային մասնակցելու իրավունք կստանան:

Մինչ այդ Հայաստանի հավաքականի հունահռոմեական ոճի ըմբիշները չեն կարողացել մեդալ նվաճել և մնացել են առանց ուղեգրերի:

Սեպտեմբերի 16-ից մեկնարկում են ազատ ոճի ըմբիշների ելույթները: Հայաստանի հավաքականից կմասնակցեն Միհրան Ջաբուրյանը (55կգ), Աշոտ Տերտերյանը (60կգ), Դավիթ Սաֆարյանը (66կգ), Մուսա Մուրտազալիևը (74կգ), Հաջիմուրադ Նուրմագոմեդովը (84կգ), Հարություն Ենոքյանը (96կգ) և Ռուսլան Բասիևը (120կգ):