Հայաստանը հաճախ սխալ է ներկայանում միջազգային ցուցահանդեսներում: Այդ մասին Երևանում կայացած մամլո ասուլիսում հայտարարել է փիլիսոփայական գիտությունների դոկտոր Վազրիկ Բազիլը: Ըստ նրա, հաճախ հայկական տաղավարները բավականին անփույթ են ձևավորված: «Տաղավարը մշակելիս պետք է ուշադիր լինել բոլոր հարցերում, ոչ մի վրիպակ թույլ չտալու համար»,-ասել է փորձագետը: Ինչպես նշել է փորձագետը, տպավորելու համար օտարերկրացուն, երկիրը պետք է տարբերվի տարածաշրջանի մյուս երկրներից: Օրինակ, արտասահմանցիների համար հայկական ավանդական պարերը ոչնչով չեն տարբերվում վրացական պարերից»,-ասել է նա: Նա նշել է նաև, որ Հայաստանը կարող է իր տեսարժան վայրերը ներկայացնել յուրօրինակ «խաղի» մասին: Օրինակ, ըստ փորձագետի, բանաստեղծ, փիլիսոփա, աստվածաբան Գրիգոր Նարեկացին կարող է ներկայացվել ջազի հնչյունների ներքո:
Վազրիկ Բազիլը նշել է նաև, որ հայերը չափազանց շատ են կենտրոնանում անցյալի վրա: «Ես չեմ ասում, թե անցյալից հարկավոր է հրաժարվել, սակայն, պետք է այնպես անել, որ մեկ գաղափարի մեջ միավորվեն հինն ու նորը»,-ասել է նա:
