Ադրբեջանի «բռնազավթված տարածքներում» տիրող իրավիճակի մասին հարցն ավտոմատ կերպով ընդգրկվել է ՄԱԿ Գլխավոր վեհաժողովի 66-րդ նստաշրջանի օրակարգում: Այդ մասին PanARMENIAN.Net-ին հայտնի է դարձել իրազեկ աղբյուրներից: Աղբյուրի խոսքով, եթե ինչ-որ հարց չի քննարկվում նախորդ նիստի ընթացքում, ապա այն ինքնաբերաբար անցնում է հաջորդ նիստի օրակարգ: «Դրանում յուրահատուկ ոչ մի բան չկա»,- ասել է նա և հավելել, որ խուճապի մատնվելու պատճառներ չկան:
«Ադրբեջանի «բռնազավթված տարածքներում» իրավիճակի մասին» հարցը քնարկվելու է վեհաժողովի լիագումար նիսում «Աջակցություն գլոբալ խաղաղությանը և անվտանգությանը» թեմայով քննարկման ընթացքում:
Պետք է նշել, որ Ադրբեջանը մշտապես փորձում է ղարաբաղյան հակամարտության կարգավորման հարցը տեղափոխել ՄԱԿ հարթություն: