Էյչ-Էս –Բի-Սի Բանկ Հայաստանը ձեռնամուխ է եղել սպառողների ակտիվ վարկավորմանը: «Վերջին մի քանի ամիսների ընթացքում բավական ընդլայնվել է նոր վարկերի ծավալը: Սեպտեմբերին մենք նախատեսում ենք նոր սպառողական վարկեր տրամադրել 300-400 հազար դոլար գումարով և մինչև տարեվերջ ենթադրվում է ապահովել այդ մակարդակը»,- Երևանում մամլո ասուլիսում ասել է «Էյչ-Էս –Բի-Սի Բանկ Հայաստան» ՓԲԸ-ի բանկի մանրածախ ծառայությունների բաժնի ղեկավար Արմեն Բարսեղյանը:Բանկի մասնագետը հիշեցրել է, որ 2010-ի դեկտեմբերից բանկը վերսկսել է սպառողական վարկերի տրամադրումը: Արմեն Բարսեղյանի խոսքով, այսօր բանկի սպառողական վարկավորման պորտֆելը կազմում է շուրջ 600-700 հազար դոլար:
Իր հերթին բանկի գլխավոր գործադիր տնօրեն Աստրիդ Քլիֆորդը հավելել է, որ ծառայությունների որակի բարձրացման համար բանկը սեպտեմբերին իրագործում է փորձնական ծրագիր հաճախորդներին նաև կիրակի օրերին խորհրդատվական ծառայություններ տրամադրելու ուղղությամբ: