Այսօր` սեպտեմբերի 20-ին ՀՀ նախագահ Սերժ Սարգսյանը պետական բարձր պարգևների արժանացրեց Մատենադարանի նոր մասնաշենքի կառուցմանը իրենց մասնակցությունը ցուցաբերած անձանց:
«Սուրբ Մոսրոպ Մաշտոց» շքանշանին արժանացան շենքի ճարտարապետ Արթուր Մեսչյանը, «Տաշիր գրուպ» ընկերության նախագահ Սամվել Կարապետյանը: Սերգեյ Համբարձումյանը, ով նոր շենքի կառուցման նպատակով «Մատենադարան» հիմնադրամին փոխանցել է 10 մլն դոլար, արժանացավ Պատվո շքանշանի:
«Հայրենիքին մատուցած ծառայությունների համար» 2-րդ աստիճանի շքանշանով նախագահը պարգևատրեց Մակար Նահապետյանին, Ֆելիքս Փիրումյանին, Մատենադարանի տնօրեն Հրաչյա Թամրազյանին և նկարիչ-քանդակագործ Վան Խաչատուրին:
«Մովսես Խորենացի» շքանշանի արժանացան սիրիահայ բարերարներ Միհրան Մինասյանը և Երջանիկ Սամուելյանը, «Անանիա Շիրակացի» մեդալով պարգևատրվեցին Մատենադարանի գիտաշխատող Ջուլիետա Էյնազյանը, գլխավոր ճարտարագետ Հունան Կոստանյանը, աշխղեկ Արմեն Հովհաննիսյանը և Ալբերտ Կարախանյանը (հետմահու):
