Հնդկաստանի Համակարգչային զարգացման կենտրոնը համաձայնագիր է կնքել Հնդկաստանի Արտաքին գործերի նախարարության հետ Հայաստանի դպրոցներում համակարգչային լսարաններ ստեղծելու համար։ Այս մասին հաղորդում է Times of India-ն։
Համաձայնագիրը կնքվել է Եվրասիայի բաժնի քարտուղար Աջայ Բիսարիայի և Հնդկաստանի համակարգչային զարգացման կենտրոնի գործադիր տնօրեն Ռաջաթ Մունայի կողմից։ Հայաստան համահայկական հիմնադրամն իր հերթին աջակցում է Հայաստանի կառավարությանը՝ Տավուշի մարզում տեղեկատվական տեխնոլոգիաների զարգացման գործում։
Ծրագրի նպատակն է արդիականացնել տեղեկատվական տեխնոլոգիաների ուսուցման գործընթացը և տրամադրել համապատասխան սարքավորումներ 19 քաղաքային և 53 մարզային դպրոցներին։ Ակնկալվում է, որ ավելի քան 15 000 դպրոցականներ կօգտվեն այդ 72 համակարգչային լսարաններից։