«Արևելյան գործընկերության» գագաթաժողովում Վրաստանը մտադիր է ներկայացնել իր գերակայությունները, հայտարարել է ԱԳ փոխնախարար Դավիթ Ջալագանիան:
«Գագաթաժողովի շրջանակներում նախատեսվում է ընդունել համատեղ կոմյունիկե: Մենք հնարավորություն կունենանք ԵՄ 27 երկրներին ու «Արևելյան գործընկերության» 5 երկրներին ցույց տալ գործընկերության մեր տեսլականը ու մեր գերակայությունները, որոնք կխորացնեն համագործակցությունը Եվրամիության հետ»,-ասել է Ջալագանիան:
Գագաթաժողովը կանցնի Վարշավայում սեպտեմբերի 29-30-ը: Վրաստանի պատվիրակությունը կգլխավորի նախագահ Միխայիլ Սահակաշվիլին:
«Արևելյան գործընկերության» շրջանակներում ԵՄ-ն ձգտում է խորացնել քաղաքական ու սոցիալ-տնտեսական ինտեգրումը վեց երկրների՝ Հայաստանի, Ադրբեջանի, Բելառուսի, Վրաստանի, Մոլդովայի ու Ուկրաինայի հետ:
