Սաուդյան Արաբիայում կնոջը դատապարտել են մտրակի հարվածների
Սաուդյան Արաբիայում դատարանը կնոջը դատապարտել է մտրակի 10 հարվածի՝ թագավորությունում ավտոմեքենա վարելու փաստացի գործող արգելքը խախտելու համար:
Ինչպես հայտնում է «Ազատություն ռադիոկայանի» ռուսական ծառայությունը, նման որոշում Սաուդյան Արաբիայում առաջին անգամ է կայացվում: Ավտոմեքենա վարելու ձևական արգելք Սաուդյան Արաբիայում չկա, սակայն, ազդեցիկ պահպանողական կրոնավորները բազմիցս են կողմ արտահայտվել դրան:
Շեմա Հասանիայի դեպքում դատարանը նշել է, որ նա ղեկի մոտ է նստել առանց կառավարության թույլտվության:
