Հայաստանի էկոնոմիկայի փոխնախարար Կարինե Մինասյանը պաշտոնական տեղեկատվություն չունի այն մասին, որ Հայաստանում բացվում է արագ սննդի ռեստորանների ` Մակդոնալդսը ցանցի ներկայացուցչությունը: Այդ մասին փոխնախարարը հաղորդել է PanARMENIAN.Net-ի թղթակցի հետ զրույցում:
Նրա խոսքով, ներկայացուցչության բացումը ֆրանչայզինգի պայմանագրի հիման վրա իրենից ներկայացնում է մասնավոր գործարք: «Եթե գործարքի շուրջ հնարավոր բանակցություններն ավարտվեն, ապա դրա մասին պաշտոնապես կհայտարարվի»,- հավելել է նա:
ԶԼՄ-ներում տարածված տեղեկատվության համաձայն Մակդոնալդսն ընդլայնում է իր աշխարհագրությունը և գալիս է Հայաստան: