Միջին քաշային կարգում WBO վարկածով աշխարհի չեմպիոն Դմիտրի Պիրոգը, որը վերջերս տեխնիկական նոկաուտով հաղթել է Գենադի Մարտիրոսյանին, վերլուծել է այդ մենամարտը:
«Ի սկզբանե ինձ անհանգստացնում էր այն, թե ինչպես է ընթանալու մենամարտը: Մարտիրոսյանը խուսափում է աշխատել բարձր տեմպով, փորձում է պարտադրել իր ոճը և շատ է տեղափոխվում: Մեր մարտում նա իրեն այլ կերպ դրսևորեց` ոստյուններով: Նման տեխնիկայի դեպքում շատ հեշտ է վնասվածք ստանալը»,- Պիրոգի խոսքերը հաղորդում է sportbox.ru-ն:
Պիրոգի մարզիչը խոստովանել է, որ մենամարտի սկզբում նա ստիպել է իր սանին աշխատել Կլիչկոյի նման: