Երևանի բնակիչներն ու հյուրերը այսօր մինչև ժամը 18.00 հնարավորություն ունեին համտեսելու 36 մետրից ավելի երկարություն ու 150 կիլոգրամ քաշ ունեցող, Կովկասում երբևիցե պատրաստված ամենամեծ շտրուդելը: Այն վիեննական ձևով պատրաստելու համար երեք խոհարարներն աշխատել են չորս օր շարունակ:
Շտրուդելը վայելելուն զուգահեռ ցանկացողները գրում էին իրենց անուն-ազգանուններն ու նետում համապատասխան արկղի մեջ, իսկ ժամը 18։00-ին «Մարիոթ Արմենիա» հյուրանոցի առջև սկսվեց «մրցանակաբաշխությունը»։ Գլխավոր մրցանակին` 2 տոմս դեպի Վիեննա «Ավստրիական ավիաուղիների» կողմից և 2 գիշեր Վիեննայի «Մարիոթ» հյուրանոցում, շահեց Սարգիս Կազանչյանը։ Հանձնվեցին նաև այլ մրցանակներ` թխվածք «Մարիոթի» կողմից, 6 հոգու համար ճաշի հրավեր «Կուչինա» ռեստորանից և այլն։