Լաուն թենիսի համաանգլիական ակումբի ղեկավարությունը լրջորեն դիտարկում է Ուիմբլդոնում ևս մեկ փակ կորտի ստեղծման գաղափարը, հայտոնւմ է gotennis.ru-ն:

Կենտրոնական կորտի բացվող տանիքը կառուցվեց 2009թ. և բավականին օգուտ տվեց այս խաղաշրջանում, երբ անձրև էր լինում: Ակումբի տնօրենների խորհրդի անդամ Ֆիլիպ Բրուքը խոստովանել է, որ դա գրավիչ գաղափար է:

Թիվ 1 կորտի վրա տանիքի կառուցումը կարող է պահանջել մոտավորապես 100 մլն ֆունտ ստերլինգ:

«Անձրևի դեպքում դա շատ հարմար կլինի, քանի որ թույլ կտա մրցել երկու կորտերում, սակայն դա մեծ գումար կպահանջի, բայց տնտեսական գործոնն այնքան էլ կարևոր չէ»,-ասել է Բրուքը: