«Հայկական Ժամանակ» ընդդիմադիր թերթի գլխավոր խմբագիր Նիկոլ Փաշինյանը, որը սեպտեմբերի 30-ին բացել է Հայ ազգային կոնգրեսի (ՀԱԿ) հանրահավաքը, հայտնել է, որ Հայաստանի Հանրապետությունում չի կարող լինել ավելի հզոր ուժ, քան Հայաստանի քաղաքացին և հայ ժողովուրդը: «Դու կհաղթե'ս, ի'մ ժողովուրդ»,- ասել է նա:
Հայոց Համազգային Շարժման (ՀՀՇ) վարչության նախագահ Արամ Մանուկյանն իր հերթին ցուցարարներին ներկայացրել է Հանրապետական կուսակցության կուսակցատոմսերի փաթեթը և հայտնել, որ դրանք հանձնվել են այսօրվա հանրահավաքի ժամանակ:
Մանուկյանը հայտնել է, որ այս շաբաթվա ընթացքում իրենց հանձնվել է ՀՀԿ 3,75կգ կուսակցատոմս: Իսկ այժմ իր մոտ ավելի քան 4 կգ կուսակցատոմս կա: Նա ՀՀԿ, «Բարգավաճ Հայաստանի» և «Օրինաց Երկրի» անդամներին կոչ է արել շարունակել ՀԱԿ-ին հանձնել իրենց կուսակցատոմսերը: