Այսօր տեղի է ունեցել Հայաստանի Հանրապետությունում 2011թ. անցկացվելիք մարդահամարի նախապատրաստման և անցկացման համապետական հանձնաժողովի նիստ, որը վարել է հանձնաժողովի նախագահ, ՀՀ փոխվարչապետ Արմեն Գևորգյանը: Քննարկվել են հոկտեմբերի 12-ին մեկնարկող մարդահամարի նախապատրաստական աշխատանքների ընթացքը: ՀՀ ազգային վիճակագրական ծառայության նախագահ Ստեփան Մնացականյանը ներկայացրել է կատարված աշխատանքների վերաբերյալ ամփոփ տեղեկատվություն: Ա.Գևորգյանը հորդորել է բոլոր պատասխանատու կառույցների ներկայացուցիչներին աջակցել գործընթացի պատշաճ մակարդակով կազմակերպմանն ու անցկացմանը:
Նա նաև շնորհակալություն է հայտնել միջազգային և տեղական կազմակերպություններին` գործընթացին օժանդակելու համար, ինչպես նաև Հայ առաքելական եկեղեցուն` իրազեկման աշխատանքներին աջակցության պատրաստակամության համար: Փոխվարչապետը նշել է, որ անհրաժեշտ պայմաններն ապահովված են գործընթացի բնականոն իրականացման համար, և հույս հայտնել, որ միջոցառումը կանցկացվի կազմակերպված: