«Ինձ չեն զարմացնում Հայաստանի հավաքականի ելույթներն այս ընտրական փուլում: Բավական է նայել նրանց կազմին՝ խաղացողներից շատերը մասնակցում են ուժեղ առաջնությունների, այն դեպքում, երբ մեր ֆուտբոլիստներից շատերը պատկանում են անգլիական դիվիզիոնի երկրորդ դասի ակումբներին»,-ասել է Իռլանդիայի հավաքականի գլխավոր մարզիչ Ջովաննի Տրապատոնին, հայտնում է skysports.com-ը:

Իռլանդիայի ու Հայաստանի հավաքակնները Եվրո-2012-ի ընտական փուլում կհանդիպեն հոկտեմբերի 11-ին Դուբլինում: Տրապատոնին խոստովանել է,որ հաղթելու համար նրանք պետք է խաղան 100-տոկոսանոց կենտրոնացմամբ և ոչ մի վայրկյան չթուլանան: «Հայկական թիմը շատ ուժեղ է, այն բոլորից շատ գոլեր է խփել մեր խմբում, ուստի մենք պետք է շատ ուշադիր լինենք»: