ԱՄՆ փոխնախագահ Ջո Բայդենը հայտարարել է, որ Իրանը պատասխանատվություն կկրի ԱՄՆ-ում Սաուդյան Արաբիայի դեսպանի սպանությունը նախապատրաստելու համար: Ըստ նրա, Վաշինգտոնը կաշխատի համաշխարհային հանրության հավանությունը ստանալ հնարավոր պատասխան գործողությունների համար»,-հայտարարել է Բայդենը ABC հեռուստաալիքի «Good Morning America» հաղորդման եթերում:
Ավելի վաղ ԱՄՆ պետքարտուղար Հիլարի Քլինթոնը հայտարարեց նաև, որ Թեհրանի գործողությունները կհանգեցնեն Իրանի մեկուսացմանն ու պատժամիջոցների խստացմանը, հաղորդում է «Ռոյթերս» գործակալությունը:
ԱՄՆ իշխանությունները հոկտեմբերի 11-ին հայտարարեցին իրանական դավադրություն բացահայտելու մասին, որի համաձայն նախատեսվում էր ԱՄՆ-ում Սաուդյան Արաբիայի դեսպանի սպանությունն ու ռումբի պայթեցում սաուդյան ու իսրայելյան դեսպանատների մոտ:
