Ստամբուլի քաղաքային թատրոնում բեմադրվելու է Հակոբ Պարոնյանի «Ատամնաբույժն արևելյան» ներկայացումը, հաղորդում է Hürriyet Daily News-ը: «Հայերը թուրքական թատրոնի հիմնադիրներն են: Մենք պետք է ֆիքսենք մեր անցյալը, եթե ցանկանում ենք դառնալ ժամանակակից: Ցավոք, մենք առանց հիշողության հասարակություն ենք», ասում է թատրոնի գեղարվեստական ղեկավար Այշենիլ Սամլիօղլուն: «Այսօր մեր երկրում մարգինալացվում է ազգը: Մենք արհամարհել ենք այն ժողովրդին, ով ապրում է այս հողի վրա հազարավոր տարիներ», ասում է ներկայացման համադրող Էնջին Ալգանը: