Սեպտեմբեր-հոկտեմբեր ամիսները հագեցած էին Հայաստանի Հանրապետության անկախության 20-րդ տարեդարձին նվիրված բազմաթիվ տոնական միջոցառումներով, որոնք իրականացվեցին Կանադայի գրեթե բոլոր խոշոր քաղաքներում՝ Քեբեկ Սիթիում, Տորոնտոյում, Մոնրեալում, Վիկտորիայում և Վանկուվերում: Միջոցառումներն զուգակցվում էին համերգներով, պարահանդեսներով և թատերական ներկայացումներով, հայտնում է ՀՀ ԱԳՆ մամլո ծառայությունը:
Հոկտեմբերի 14-ին Օտտավայում ՀՀ դեսպանությունում կայացավ ընդունելություն` նվիրված Անկախության տոնին, որին ներկա էին Կանադայի իշխանությունների ներկայացուցիչներ, Օտտավայում հավատարմագրված դեսպաններ, կանադահայ կազմակերպությունների ղեկավարներ:
ՀՀ դեսպանի ելույթին հետևեց «Արարատից դեպի Եվրոպա» տեսաֆիլմի ցուցադրումը, որն հյուրերին ներկայացրեց հայկական մշակույթի ազդեցությունը եվրոպական արժեքների վրա, նշվում է Կանադայում ՀՀ դեսպանատան ուղերձում:
