Հայաստանի Սեյսմիկ պաշտպանության ազգային ծառայությունը հայտնում է, որ հոկտեմբերի 19-ին Երևանի ժամանակով 19։30-ին Մասիս քաղաքից մոտ 7 կմ հարավ տեղի է ունեցել 3,3 մագնիտուդով երկրաշարժ։ Երկրաշարժի ուժգնությունը էպիկենտրոնային գոտում կազմել է 4-5 բալ: Երկրաշարժը զգացվել է նաև Երևանում, Արտաշատում և Մասիսում:

Իսկ Եվրոպական միջերկրական սեյսմիկ կենտրոնը Հայաստանի երկրաշարժը արձանագրել է Երևանի ժամանակով 19։19-ին Երևանից 12 կմ հարավ-արևմուտք և Մասիսից 2 կմ հյուսիս-արևելք 3,5 մագնիտուդով։

Հոկտեմբերի 14-ին, ժամը 12.30-ին ՀՀ տարածքում՝ Գառնիից 10 կմ արևմուտք տեղի է ունեցել 3,5 մագնիտուդով երկրաշարժ, որի էպիկենտրոնը գտնվել է 7 կմ խորության վրա, էպիկենտրոնային գոտում ուժգնությունը կազմել է 5 բալ։