Ռուսաստանը չի վերացնի Վրաստանի հետ մուտքի արտոնագրի ռեժիմը, սակայն Թբիլիսիի հետ կպահպանի քաղաքակիրթ հարաբերությունները քաղաքացիների մուտքի և ելքի կարգի հարցերում: Այս մասին «Գոլոս Ռոսիի» ռադիոկայանի ունկնդիրների հետ ինտերակտիվ հաղորդակցման ժամանակ հայտնել է ՌԴ ԱԳ նախարար Սերգեյ Լավրովը:
«Մենք ուզում ենք, այնուամենայնիվ, քաղաքակիրթ հարաբերություններ ունենալ: Եվ երբ երկիրը խզում է դիվանագիտական կապերը, այդ երկրի հետ առանց մուտքի արտոնագրի ռեժիմ ունենալն անհեթեթություն է: Եվ հուսով եմ, որ բոլորը դա շատ լավ հասկանում են»,- նշել է Լավրովը: «Այդ մենք չենք խզել դիվանագիտական հարաբերությունները, դա պարոն Սահակաշվիլիի նախաձեռնությունն էր, և մեր մեղքով չէ, որ մենք հիմա սահմանափակ կապեր ունենք»,- ասել է Ռուսաստանի արտաքին քաղաքական գերատեսչության ղեկավարը:
