Նոյեմբերի 3-ին Գաբրիել Սունդուկյանի անվան ազգային ակադեմիական թատրոնում տեղի է ունենալու EMPYRAY ռոք խմբի նոր սկավռակի համերգ-շնորհանդեսը: Այդ մասին մամլո ասուլիսի ժամանակ ասացին խմբի մենակատար Սարգիս Մանուկյանը և երգահան, խմբի ստեղնահար Գիսանե Պալյանը: Սկավառակը կոչվելու է «Մեկընդմիշտ» և պարունակելու է 11 երգ: Պալյանի խոսքով ձայնասկավառակում տեղ են գտել նաև ազգային մոտիվներով ստեղծագործություններ: Խմբի երգերում շոշափվում են ամենատարբեր թեմաներ` կատակներ, փիլիսոփայություն, սոցիալական հարցեր և այլն: Վերջին երգը, որը կոչվում է «Վերադառնում եմ», արծարծելու է արտագաղթի թեման, քանի որ ըստ Մանուկյանի, երկրից հեռացող յուրաքանչյուր մարդ թուլացնում և աղքատացնում է երկիրը: Ինչ վերաբերում է համերգին, ապա այն լինելու է թվով 5-րդը: Համերգում հնչելու են ինչպես նոր, այնպես էլ հին և սիրված երգեր: «Մեկընդմիշտ» սկավառակում դուետներ չեն ընդգրկվելու:
