«Հրապարակի» տեղեկություններով, վերջին օրերի փոփոխություններն ու հրաժարականները բոլորի համար են անսպասելի, անգամ Սերժ Սարգսյանի մերձավորների: Ըստ թերթի, ամեն բան արվում է գաղտնիության և անսպասելիության սկզբունքով: Կարծիք կա, որ նախագահը առաջնորդվում է հակակշիռ ստեղծելու տրամաբանությամբ: Ըստ այդմ ենթադրություն կա, որ Հովիկ Աբրահամյանի օգնական կարող է դառնալ նաև Տարածքային կառավարման նախարար Արմեն Գևորգյանը, ում հնարավոր հրաժարականի մասին լուրերը անընդհատ շրջանառվում են վերջին օրերին:
Վերջին մեկ շաբաթում զբաղեցրած պաշտոններից ազատվել են ոստիկանապետ Ալիկ Սարգսյանը, ինչպես նաև Հայաստանի նախագահի աշխատակազմի ղեկավարի առաջին տեղակալ Միքայել Մինասյանը, ով աշխատելու է ՀՀԿ նախընտրական շտաբում՝ որպես շտաբի նոր ղեկավար Հովիկ Աբրահամյանի օգնական: Վերջինս հրաժարական է ներկայացրել ԱԺ նախագահի պաշտոնից, քանի որ պետք է գլխավորի իշխող կուսակցության նախընտրական քարոզարշավը:
