Անցած ամիս Դուբրովնիկում ԵԱՀԿ ՄԽ համանախագահների ու ԵԱՀԿ ԽՎ հատուկ ներկայացուցչի մասնակցությամբ ղարաբաղյան հակամարտության վերաբերյալ տեղի ունեցած բանավեճերը, Մոլդովայում աշխատանքին զուգահեռ, վկայում են, որ ԵԱՀԿ-ն հավատարիմ է հակամարտությունների կարգավորման ուղղությամբ իր առաքելությանը: Այդ մասին հայտարարել է ԵԱՀԿ ԽՎ նախագահ Պետրոս Էֆտիմիուն, Վիեննայում ԵԱՀԿ Մշտական խորհրդի նիստում:
Նա նշել է, որ հակամարտությունների խաղաղ կարգավորման վեաբերյալ համաձայնագրերն ընդունում են կառավարությունները, սակայն այդ որոշումների հասարակական աջակցությունն ապահովում են հենց խորհրդարանականները: «Հենց խորհրդարանականներն են նպաստում ԵԱՀԿ գործունեության մասին հանրության իրազեկմանը»,-ասել է ԵԱՀԿ ԽՎ նախագահը: