Նախագծվող «Nabucco» գազատարը թանկարժեք է, և զգույշ ներդրողները կարիք ունեն, որպեսզի իրենց համոզեն այդ նախագծի մեջ գումար ներդնելու հարցում: Այդ մասին հայտնել է էներգետիկ հարցերով ԵՄ հանձնակատար Գյունտեր Օտտինգերը: Նա հայտնել է, որ «Nabucco» նախագծի արժեքը գերազանցում է 10 մլրդ դոլարը: ԵՄ պաշտոնական ներկայացուցիչը գտնում է, որ «Nabucco»-ն դեռևս կարող է հեռանկարային նախագիծ համարվել, բայց պետք է ուշադրություն դարձնել մի շարք լուրջ պահերի վրա. «Nabucco»-ի նման խոշոր նախագծերը պետք է Եվրոպայի էներգետիկ քաղաքականությանը ամբողջականություն հաղորդեն: Այդ ուղղությամբ միասնական քաղաքականությունը կարող է այդ նախագծի մեջ բանկերի կողմից միջոցների ներդրում ապահովել: Ֆինանսական ճգնաժամի կամ լայնամասշտաբ տնտեսական ճգնաժամի փուլում հնարավոր վարկային ճգնաժամը լավ ազդանշան չէ: «Կարծում եմ, որ դեռևս շանսեր կան «Nabucco»-ի համար ֆինանսական աղբյուրներ գտնելու և այդ նախագիծը կյանքի կոչելու համար», հաղորդում է «Reuters» գործակալությունը:
