Եվրոպայի շախմատի թիմային առաջնությունում, որն ընթանում է հունական Պորտո Կարրաս քաղաքում, նոյեմբերի 10-ին տեղի են ունենում 8-րդ տուրի պարտիաները։ Հայաստան – Հոլանդիա հանդիպման երկրորդ ոչ ոքին է գրանցվել չորրորդ տախտակին։ Հայ գրոսմայստեր Գաբրիել Սարգսյանը սև ֆիգուրներով կարողացել է 0,5 միավոր վաստակել Դանիել Ստելվագենի հետ խաղում։
Մինչ այդ Սերգեյ Մովսիսյանը կիսել էր միավորները Լուկ վան Վելիի հետ, իսկ Լևոն Արոնյանը՝ հաղթել Անիշ Գիրիին։ 2։1 հաշվով առայժմ առջևում է Հայաստանը։ Վլադիմիր Հակոբյան – Իվան Սոկոլով պարտիան շարունակվում է։