Android Market-ում հայտնված նոր ծրագրերից է Cocktail Flow-ն։ Այն ծրագիր է ալկոհոլի և ընդհանրապես կոկտեյլների սիրահարների համար։ Ծրագրի միջոցով կարելի է գտնել բազմաթիվ կոկտեյլների բաղադրատոմսեր։Այս ծրագրում բոլոր խմիչքները դասակարգված են տարբեր կատեգորիաներում։ Օգտագործողը կարող է նաև հավաքել իր սիրելի կոկտեյլների բաղադրատոմսերն առանձին «սիրելի» փաստաթղթում։ Եթե օգտագործողը փնտրում է որևէ խմիչք, սակայն չգիտի անվանումը, ապա կարող է որոնում կատարել ըստ գույնի, խմիչքի տեսակի։

Ծրագիրը բացի բաղադրատոմսերից, խորհուրդներ է տալիս և սովորեցնում, թե ինչպես պետք է կոկտեյլը գեղեցիկ մատուցել։

Cocktail Flow-ն կարելի է ներբեռնել Android Market-ից անվճար։ Այն պահանջում է Android 2.2 և ավելի բաձր տարբերակներ։ Ծավալը 25 Մբ է։