«Ժառանգություն» ընդդիմադիր կուսակցությունը հերթական անգամ կոչ է արել ետ կանչել Հայաստանի ստորագրությունը Հայ-թուրքական արձգանագրություններից: Խմբակցության ղեկավար Ստեփան Սաֆարյանը նշել է, որ արձանագրությունները վտանգավոր են Հայաստանի համար և նպաստում են Թուրքիայի ակտիվացմանը Ղարաբաղի շուրջ բանակցություններում: «Ժամանակն է, որ նախագահ Սարգսյանը կատարի իր հրապարակային խոստումը»,-հայտարարել է նա, ելույթ ունենալով Ազգային ժողովի նիստում:

Հայ-թուրքական հարաբերությունների կարգավորման գործընթացը սկսվեց ՀՀ նախագահ Սերժ Սարգսյանի նախաձեռնությամբ 2008թ. աշնանը: Արձանագրությունները ստորագրվեցին 2009թ. հոկտեմբերի 10-ին: 2011թ. օգոստոսին արձանագրությունները հանվեցին Թուրքիայի խորհրդարանի օրակարգից, սակայն նոյեմբերին կրկին ընդգրկվեցին օրակարգում: