Վաղը՝ նոյեմբերի 15–ին ՀՀ ԳԱԱ նախագահությունում կմեկնարկի «Անին միջնադարյան Հայաստանի քաղաքական եւ քաղաքակրթական կենտրոն» միջազգային գիտաժողովը, տեղեկացնում են ԳԱԱ տեղեկատվական կենտրոնից։
Գիտաժողովին կմասնակցեն Հայաստանի, Ռուսաստանի, Ֆրանսիայի, Իտալիայի, ԱՄՆ-ի, Ավստրիայի առաջատար գիտնականներ: Գիտաժողովն իր աշխատանքները կշարունակի մինչև նոյեմբերի 17-ը:
Գիտաժողովը կազմակերպվում է Անին Բագրատունյաց թագավորության մայրաքաղաք հռչակելու 1050-ամյակին նվիրված հոբելյանական միջոցառումների շրջանակում:
Անիի 1050-ամյակի առթիվ արդեն իսկ հայերեն, անգլերեն, ռուսերեն լեզուներով ստեղծվել է www.ani1050.sci.am կայքը: Կայքում տեղադրված են Անիի մասին արժանահիշատակ տեղեկություններ, պատմական ակնարկ, լուսանկարներ: Կայքում նաև կարելի է տեղեկատվություն ստանալ հոբելյանական միջոցառումների մասին: