Հայաստանի վարչապետ Տիգրան Սարգսյանը մերժել է հերթական խորհրդարանական ընտրություննեի հետ արտահերթ նախագահական ընտրությունների համատեղման հնարավորությունը: «Ես գտնում եմ, որ դա անհեթեթ վարկած է»,- հայտնել է նա լրագրողներին Հայաստանի Ազգային Ժողովում:
Վարչապետը հաղորդել է նաև, որ այս տարի Հայաստանի իշխող Հանրապետական կուսակցության համագումար չի լինի: Ընդ որում, նա հավելել է, որ ՀՀԿ-ն ծրագրում է այլ կուսակցական միջոցառումներ անցկացնել մինչև տարեվերջ:
Տիգրան Սարգսյանը նաև հերթական անգամ հաստատել է բիզնեսի և քաղաքականության բաժանմանը հասնելու` նախագահ Սերժ Սարգսյանի գլխավորությամբ իշխանությունների մտադրությունը: Նա նշել է, որ կառավարությունը օրենսդրական նախաձեռնություններ է ներկայացրել խորհրդարան մեխանիզմների ստեղծման վերաբերյալ, որոնք կխոչընդոտեն օրենսդիր և գործադիր իշխանության ներկայացուցիչների` բիզնեսով զբաղվելուն:
