Իրանի միջուկային խնդրի կարգավորման գծով «վեցյակի» (ՌԴ, Չինաստան, Ֆրանսիա, Մեծ Բրիտանիա, ԱՄՆ, Գերմանիա) ներկայացուցիչները մոտ են համաձայնության Իրանի հանդեպ բանաձևի հարցում, որոնք կգոհացնեն նաև Պեկինին ու Մոսկվային, հայտնում է «Ֆրանս-Պրես» գործակալությունը:
«Բանաձևը կոչ կանի Իրանին առավել ինտենսիվ երկխոսություն վարել ՄԱԳԱՏԷ-ի հետ և լիովին կատարել իր պարտականությունները»,-մեջբերում է գործակալությունը դիվանագետի կարծիքը, որը ցանկացել է անհայտ մնալ: Գործակալության ևս մեկ անանուն աղբյուրը հայտարարել է, որ «զգուշավոր լավատեսություն» ունի Իրանի վերաբերյալ բանաձևի հարցում:
Հինգշաբթի Վիեննայում մեկնարկում է ՄԱԳԱՏԷ-ի Կառավարիչների խորհրդի երկօրյա նիստը: