Նոյեմբերի 19-ին Ռուսաստանի Իրկւտսկ քաղաքի ֆիլհարմոնիկ դահլիճում տեղի է ունենալու կոմպոզիտոր և երաժիշտ Վաչե Շարաֆյանի "Conocordance" ջութակի կոնցերտի համաշխարհային պրեմիերան: Այդ մասին PanARMENIAN.Net ի թղթակցին հայտնեց ջութակահար Կարեն Շահգալդյանը, ով լինելու է կոնցերտի մենակատարը: Նա հանդես է գալու Իրկուտսկի Գուբերնատորական սիմֆոնիկ նվագախմբի հետ (դիրիժոր` Իլմար Լապինշ): Պրեմիերան տեղի է ունենալու հեղինակի ներկայությամբ, ով հատուկ դրա համար մեկնել է Իրկուտսկ:

«Հիանալի կոնցերտ է, գեղեցիկ և ոչ սովորական: Այն ունի հարուստ պարտիտուրա և շատ արժանի ստեղծագործություն է: Շատ կցանկանամ, որ այն ունենա երկար բեմական կյանք», ասաց Շահգալդյանը: