Այս անգամ Ֆրանսիայի Սենատում Հայոց ցեղասպանության ժխտումը քրեականացնող օրինագծի ընդունման իրական շանսեր կան: Այդ մասին PanARMENIAN.Net-ի թղթակցի հետ զրույցում հայտնել է ՀՅԴ Հայ դատի և քաղաքական հարցերի գրասենյակի ղեկավար Կիրո Մանոյանը:

Ըստ նրա, եթե անցյալում սոցիալիստական կուսակցությունը դեմ էր քվեարկում օրինագծին, ապա այս անգամ նրանք կողմ են հանդես գալիս՝ այդ մասին վկայում է 2012թ. նախագահական ընտրություններում նախագահի թեկնածու Ֆրանսուա Հոլանդի հայտարարությունը:

Կիրո Մանոյանը նշել է, որ օրինագծի ընդունումը հազիվ թե ազդի թուրք-ֆրանսիական հարաբերությունների վրա: «Հավանաբար Թուրքիան կսպառնա Ֆրանսիային մի որոշ ժամանակ, որից հետո իրավիճակը բարեհաջող հանգուցալուծում կստանա»,-ասել է նա:

Ֆրանսիացի սենատոր Ֆիլիպ Կալտենբախը Ֆրանսիայի Սենատի օրակարգ է մտցրել Հայոց ցեղասպանության պատիժը քրեականացնող օրինագիծը: Օրինագծով նախատեսվում է Հայոց ցեղասպանության ժխտման համար սահմանել 5 տարվա ազատազրկում կան 45 հազար եվրո տուգանք:

Նման օրինագիծ Ֆրանսիայի Ազգային ժողովը ընդունել է դեռևս 2006թ. հոկտեմբերի 12-ին: