ՀՅԴ խորհրդարանական խմբակցության անդամ Լիլիթ Գալստյանը հիասթափված է ռուսաստանաբնակ գործարար և բարերար Լևոն Հայրապետյանի հայտարարությունից այն մասին, որ Հայաստանում հարկավոր է անցկացնել «Ցուցակ» օպերացիան, «լուծելով այդ ցուցակում ընդգրկվածների հարցերը»՝ նախապես ստիպելվ վերադարձնել Հայաստանում թալանած միջացները»: Ինչպես մամլո ասուլիսում լրագրողներն է հայտարարել Լիլիթ Գալստյանը, նա կցանկանար կոնկրետ անուններ լսել Հայրապետյանից: Ընդ որում, նա նշել է, որ բարերարի հայտարարությունները նորություն չեն, քանի որ արծարծված թեմաները քննարկվում են հայկական մամուլում: Ըստ նրա, Հայրապետյանի հայտարարությունները միանգամայն անկեղծ են, դրանք պետք է գնահատել խոսքի ազատության շրջանակներում:
Իր հերթին հանրապետական Արտակ Զաքարյանը նշեց, որ Հայրապետյանի հայտարարությունները հարկավոր է դիտարկել 2012թ. խորհրդարանական ընտրությունների համատեքստում: Ըստ նրա, ՀԿ-ների ներկայացուցիչները, քաղաքական գործիչները, առանձին անձինք ակտիվորեն հարցեր կբարձրացնեն՝ երկրի քաղաքական օրակարգում ընդգրկելու համար:
Լևոն Հայրապետյանը հանդես է եկել մի շարք կոշտ հայտարարություններով: Նա նշել է, որ հայ օլիգարխները չմուծված հարկերի հետևանք են: