Ֆրանսիայի իշխանությունները 2000-ական եվրո կվճարեն յուրաքանչյուր փախստականին, որը երկրում ապրելու իրավունք չի ստացել, եթե նրանք կամավոր համաձայնվեն վերադառնալ հայրենիք, գրում է ֆրանսիական Le Monde-ը:
Ֆրանսիայի ներքին գործերի նախարար Կլոդ Գեանը հայտարարել է, որ այդպիսով իրենք մտադիր են կասեցնել այն դեպքերը, երբ միգրանտները համալրում են ապօրինի ներգաղթյալների շարքերը:
«Ապաստան տալով փախստականներին՝ մեր համակարգը ռիսկի է դիմում, քանի որ հաճախ դա օգտագործվում է ապօրինաբար երկրում արմատավորվելու համար»,-ասել է Գեանը:
Մինչ 2011-ի ավարտը կքննվի ապաստան տրամադրելու վերաբերյալ 60 000 միջնորդություն, իսկ 2008թ. տվյալնելով այդ թիվը կազմել է 42,6 հազար:
Գեանը նշել է, որ փախստականների մեծ մասը Ֆրանսիա է ժամանում Բանգլադեշից ու Հայաստանից, հետևաբար, առաջին հերթին կքննվեն այդ երկրներից ժամանած անձանց գործերը:
Վերջին 4 տարում Ֆրանսիա ժամանող փախստականների թիվը աճել է 55 տոկոսով: Ֆրանսիայի իշխանությունները տարեկան մերժում են ապաստանի տրամադրման վերաբերյալ միջնորդությունների 70-80 տոկոսը: