Հայաստանի օմբուդսմենի գրասենյակը մտադիր է 2012 թվականի փետրվարին 6 մարզային գրասենյակ բացել: Ինչպես Երևանում մամլո ասուլիսի ժամանակ հայտարարել է մարդու իրավունքների պաշտպան Կարեն Անդրեասյանը, մարզային գրասենյակներ կբացվեն Կապանում, Եղեգնաձորում, Գավառում, Իջևանում, Գյումրիում և Վանաձորում: Ըստ նրա, մարզային գրասենյակների բացման հարցում արդեն համապատասխան պայմանավորվածություններ են ձեռք բերվել:
Ընդ որում, նա հաղորդել է, որ արդեն այցելել է Հայաստանի չորս մարզեր՝ Սյունիք, Տավուշ, Վայոց Ձոր և Շիրակ, իսկ ապագայում մտադիր է այցելել ևս երկուսը: Ըստ նրա, մարզի բնակիչների բողոքները հիմնականում վերաբերում էին սոցիալական ոլորտին: Ըստ որում, նա նշում է, քանի որ շատերը տեղյակ չէին ՀՀ օմբուդսմենի գործառույթների մասին, հիասթափված էին նրա գործունեությունից: «Օրինակ՝ մեզ դիմել են մարդիկ՝ իրենց դատավորից կամ դատարանում պաշտպանելու խնդրանքով: Մենք բազմիցս ասել ենք նրանց, որ ՀՀ օմբուդսմենին արգելված է միջամտել դատական գործընթացներին, և նրանք ծայրահեղ հիասթափություն էին ապրում»,-ասել է նա:
