Դոնեցկի «Շախտյորի» երկրպագուները քվեարկությամբ որոշել են ակումբի նոյեմբերի լավագույն խաղացողին:
Քվեարկությանը մասնակցել է 1088 երկրպագու: Ակումբի լավագույն խաղացող է ճանաչվել Հայաստանի հավաքականի կիսապաշտպան Հենրիխ Մխիթարյանը, որի համար քվեարկել է 582 երկրպագու (53,49 տոկոս): Մխիթարյանին հաջորդում են պաշտպան Վյաչեսլավ Շևչուկը (198 ձայն) և դարպասապահ Ալեքսանդր Ռիբկան (130 ձայն):
Լավագույն խաղացողը որոշվում է 3 փուլով. Առաջինը երկրպագուների քվեարկությունն է կայքում, երկրորդն ու երրորդը՝ մարզական լրագրողների և «Շախտյորի» վետերանների հարցումն է: