Երևանի քաղաքապետ Տարոն Մարգարյանը, պատասխանելով քաղաքացիների հարցերին, նկատել է, որ օրակարգում տեղակալների փոփոխության հարց չկա: Սակայն դրա հետ մեկտեղ Մարգարյանը լռել է քաղաքապետարան նոր աշխատակիցների հնարավոր ընդունելության մասին:
Բացի այդ, նա ականջ է դրել քաղաքացիների խնդրանքներին` կապված բնակարանային հարցի հետ և մեկ նամակ-խնդրանք ընդունել:
Տարոն Մարգարյանը, որն առաջադրվել էր Հայաստանի իշխող Հանրապետական կուսակցության Խորհրդի կողմից, Երևանի քաղաքապետի միակ թեկնածուն էր:
ՀՀԿ գործադիր մարմինը, ՀՀԿ Խորհուրդը և Երևանի Ավագանու խորհրդի խմբակցությունը նոյեմբերի 14-ին Տարոն Մարգարյանի թեկնածությունն առաջադրելու միաձայն որոշում ընդունեցին:
Հոկտեմբերի 28-ին Երևանի արդեն նախկին քաղաքապետ Կարեն Կարապետյանը հրաժարական ներկայացրեց: Երևանի քաղաքապետի պաշտոնակատար նշանակվեց Տարոն Մարգարյանը: