Մեծ Բրիտանիայից արտաքսված պարսիկ դիվանագետները շաբաթ օրն առավոտյան վերադարձել են հայրենիք, որտեղ նրանց ողջունել է ուսանողների ամբողխը, հայտնում է CNN հեռուստաալիքը:
Դիվանագտների մեկնումը հաջորդեց Մեծ Բրիտանիայի ԱԳՆ ղեկավար Ուիլյամ Հեյգի Մեծ Բրիտանիայում Իրանի դեսպանատունը փակելու պահանջին: Չորեքշաբթի Հեյգը հայտարարեց, որ Մեծ Բրիտանիան արտաքսում է Իրանի բոլոր դիվանագետներին ի պատասխան ցուցարարների հարձակմանը Թեհրանում Անգլիայի դեսպանատան վրա:
Թեհրան ժամանած դիվանագետներին օդանավակայանում դիմավորում էր ուսանողների ամբոխը՝ ողջունելով նրանց ծաղկեպսակներով: Լուսաբանման համար օդանավակայան էին հրավիրված արևմտյան մամուլի ներկայացուցիչներ, նշում է Associated Press-ը:
Նոյեմբերի 29-ին մի խումբ պարսիկ ուսանողներ խուժել են դեսպանատան շենք, պոկել և այրել Մեծ Բրիտանիայի դրոշը` փոխարենը ամրացնելով Իսլամական Հանրապետության դրոշը: Ամբոխը թափանցել էր նաև կառույցի ներսը և պատուհանից դուրս նետել դեսպանական փաստաթղթերը` գերի վերցնելով դիվանագիտական առաքելության վեց աշխատակիցների: Մյուս դիվանագետները փախուստի էին դիմել հետնամուտքով: Որոշ ժամանակ անց ոստիկանությունն ազատել էր պատանդներին, սակայն ցուցարարների խմբին հաջողվել էր կրկին թափանցել դեսպանատան տարածք:
