«Հզոր ապագա» կուսակցությունը 2013թ. նախագահական ընտրություններում կաջակցի գործող նախագահ Սերժ Սարգսյանի թեկնածությանը: Այդ մասին Երևանում կայացած մամլո ասուլիսում հայտարարել է կուսակցության առաջնորդ Արկադի Կիրակոսյանը: Նա նշել է, որ կուսակցությունը դրական է գնահատում իրավիճակն երկրում, նախագահ Սերժ Սարգսյանի կողմից իրականացվող բարեփոխումները, ինչպես նաև կոռուպցիայի դեմ սկսած պայքարը:
Ինչ վերաբերում է խորհրդարանական ընտրություններին, ապա ըստ Կիրակոսյանի, այս պահի դրությամբ կուսակցությունը մտադիր է ինքնուրույն մասնակցել, սակայն, չի բացառում այլ քաղաքական ուժերի, այդ թվում ՀՀԿ հետ դաշինքի հնարավորությունը:
«Հզոր ապագայի» առաջնորդը հայտարարել է, որ իրենց կուսակցությունն այժմ ունի 2,5-3 հազար կողմնակից, իսկ ինքը կուսակցությունը, որը հիմնվել է ընթացիկ տարվա փետրվարին, ազատական հայացքներ ունի:
