5 դեկտեմբերի 2011 - 15:15 AMT
ԱԺ խոսնակի պաշտոնին հավակնում են Սամվել Նիկոյանն ու Լարիսա Ալավերդյանը

Ազգային ժողովի նիստում ՀՀԿ խորհրդարանական խմբակցության ղեկավար Գալուստ Սահակյանը կուսակցության անունից խոսնակի պաշտոնի համար առաջադրել է փոխխոսնակ Սամվել Նիկոյանի թեկնածությունը:

Իր հերթին «Ժառանգություն» ընդդիմադիր կուսակցության առաջնորդ Րաֆֆի Հովհաննիսյանն առաջադրեց կուսակցության անդամ Լարիսա Ալավերդյանի թեկնածությունը:

Փոխխոսնակ Սամվել Բալասանյանն առաջարկեց թեկնածուներին հանդես գալ ելույթով: Լարիսա Ալավերդյանը հրաժարվեց, իսկ Սամվել Նիկոյանը շնորհակալություն հայտնեց առաջադրվելու համար: «Իմ խորհրդարանական աշխատանքի վերջին 8-9 տարիների ողջ փորձը ես կօգտագործեմ գործընկերների ու հանրության վստահությունն արդարացնելու համար»,-ասել է Նիկոյանը