Հայաստանի խորհրդարանը դեկտեմբերի 8-ին 66 «կողմ» և 2 «դեմ»ձայների հարաբերակցությամբ քվեարկել է Հայաստանի 2012թ պետբյուջեի ընդունման օգտին: Ընդ որում, ընդդիմադիր խորհրդարանական «Ժառանգության» և Դաշնակցության խմբակցություններն ընդհանրապես քվեարկությանը չեն մասնակցել:

Համաձայն Հայաստանի 2012թ պետբյուջեի վերջնական տվյալների, եկամտային մասը կկազմի 911.6 մլրդ դրամ, , ծախսայինը՝ 1044.1 մլրդ դրամ, դեֆիցիտը՝ 132.5 մլրդ դրամ: ՀՆԱ-ի նկատմամբ դեֆիցիտի հարաբերությունը կանխատեսվում է 3,1%՝ 2011թ ծրագրված 3,95%-ի դիմաց:

Բացի այդ, հարկային եկամուտների 2011թ 101 մլրդով բարձրացման նպատակով խորհրդարանը որոշում է կայացրել հարկային բարեփոխումների օրենսդիր փաթեթը ընդունելու մասին:

2012թ Հայաստանի էկոնոմիկայի աճը ծրագրվում է 4,2% մակարդակի վրա, գնաճը նախատեսվում է 4%ի սահմաններում՝ (պլյուս-մինուս 1.5%):