Facebook սոցիալական ցանցում նորից պայքարում են։ Այս անգամ ցանցի օգտատերերը դեմ են «Փարզիյան սուրճ» սրճարանի բացօթյա հատվածը ապամոնտաժմանը։
«Փարիզյան սուրճը» Երևան քաղաքին քաղաքային մշակույթ հաղորդող եզակի սրճարաններից է և չի կարելի այն ապամոնտաժել: Դա ոչ թե մանրավաճառի կրպակ է և ոչ էլ ռաբիզ երաշտություն ու հրավառություններ կրակող օբյեկտ: Եթե իրոք քաղաքապետարանը նման որոշում է կայացրել, ապա դա ծայրահեղ սխալ ու չմտածված որոշում է: Սկսեք ավելի լավ է Օղակաձև զբոսայգու և Նոր Նորքի ճանապարհի, Հրազդան ձորի անճոռնի շինությունների ապամոնտաժումից»,- գրում են facebook-ի օգտատերերը:
Նշվում է, որ Փարիզյանը Երևանին քաղաքակիրթ շունչ հաղորդող սրճարան է և այն ոչ թե պետք է քաղաքային իշխանությունների կողմից նման ստանդարտիզացված մոտեցման արժանանա ու ապամոնտաժվի, այլ հակառակը, Երևանի քաղաքային մշակույթը զարգացնելու հիմնադիրին է և սեփականտիրոջը պետք է խրախուսել, որ նա նման սրճարանների ցանց բացի քաղաքի տարբեր հատվածներում:
«Երևանում շատ բան կա ապամոնտաժելու ու փոխարենը Փարիզյանի նման սրճարաններ հիմնելու: Երևանի կառավարումը պետք է մասնակցային լինի և մենք երևանցիներս պետք է մասնակցենք այնպիսի որոշումների քննարկմանն ու ընդունմանը որոնք վերաբերում են մեր առօրյային, ժամանցին և կյանքին ընդհանարպես»,- նշում են «Փարզիյան սուրճ» սրճարանի բացօթյա հատվածի ապամոնտաժման դեմ պայքարողները։
