Եվրատլանտյան գործընկերության խորհրդի անդամ երկրների ԱԳՆ ղեկավարների համաժողովի շրջանակներում այսօր տեղի ունեցավ Հայաստանի արտգործնախարար Վարդան Օսկանյանի եւ Թուրքիայի արտգործնախարար Աբդուլլահ Գյուլի հանդիպումը: ՀՀ ԱԳՆ մամլո ծառայության հաղորդագրության համաձայն, հանդիպման օրակարգում ընդգրկված էին երկկողմ հարաբերությունների, տարածաշրջանային իրավիճակի եւ Լեռնային Ղարաբաղի կարգավորման ներկա ընթացքի հետ կապված հարցեր: Հանդիպման ավարտին կողմերը պայմանավորվեցին առաջիկայում շարունակել երկխոսությունը: