Սիրիայի դեսպանատունը հարձակման է ենթարկվել Հորդանանի մայրաքաղաք Ամանում, որի արդյունքում աշխատակիցները ծեծի են ենթարկվել, կիրակի օրը հայտնել է «Ֆրանս պրես» գործակալությունը՝ հղում անելով դեսպանատան հայտարարության վրա:
Գործակալության հայտարարության մեջ ասվում է, որ անհայտների խումբը ներխուժել է դեսպանատան շենք: Պահնորդական ծառայության աշխատակիցները ծեծի են ենթարկվել: Հարձակման են ենթարկվել դեսպանի տեղակալը, հյուպատոսը, այլ դիվանագետներ ու աշխատակիցներ, հայտնում է ՌԻԱ Նովոստի գործակալությունը: Հարձակվողները կրում էին սիրիական ընդդիմության դրոշը:
Դեսպանատան ներսում ձերբակալվել է միայն մեկ հարձակվող: Ինչպես ասվում է հայտարարության մեջ, նա կփոխանցվի Հորդանանի իրավապահ մարմիններին: Եվս 8 մասնակիցների ձերբակալել է Հորդանանի ոստիկանությունը: Հորդանանի իշխանությունները դեռևս չեն մեկնաբանում կատարվածը:
