Դեկտեմբերի վերջին Երևանի «Մոսկվա» կինոթատրոնում տեղի կունենա ռեժիսոր Գայ Րիչիի «Շերլոկ Հոլմս: Ստվերների խաղ» (անգլ. Sherlock Holmes: A Game of Shadows) դետեկտիվ մարտաֆիլմի` «Շերլոկ Հոլմս» ֆիլմի շարունակության պրեմիերան: Այդ մասին PanARMENIAN.Net-ի թղթակցին հաղորդեցին կինոթատրոնից: Ինչպես հաղորդել է կինոթատրոնի աշխատակիցը, սպասվում է, որ ֆիլմի պրեմիերան կկայանա դեկտեմբերի 30-ին: Հարկ է նշել, որ ֆիլմի պրեմիերան 2011թ. դեկտեմբերի 16-ին ծրագրված է ԱՄՆ-ում և Մեծ Բրիտանիայում, իսկ դեկտեմբերի 26-ին` մյուս երկրներում: