Իրանական ազգային նավթային կազմակերպությունը` (NIOC) և ռուսական Թաթնավթը կիրակի Թեհրանում կնքել են 700 մլն դոլար արժողությամբ պայմանագիր` Իրանի հարավ-արևմուտքում Զագեի ծանր նավթի հանքահորի մշակման վերաբերյալ:
Համաձայն պայմանագրի, ծրագրվում է նավթահորից սկզբնական փուլում օրական արդյունահանել 7.000 բարել ծանր նավթ և հանածոյի մակարդակը վերջնական փուլերում բարձրացնել օրական մինչև 55.000 բարելի:
Հանքավայրը մի քանի տարի շարունակ չի մշակվել:
Թաթարստանի ռուսական հանրապետության նախագահ Ռուստամ Միննիխանովը շաբաթ օրը ժամանել է իրանական նավթագազային արդյունաբերական գոտի` Հարավային Փարս:
Միննիխանովն այցելել է Հարավային Փարս գազային հանքավայրի յուրացման 4-րդ և 5-րդ ֆազաները, Բորզույե և Արյա Սասոլ նավթաքիմիական համալիրները, հաղորդում է Trend-ը` հղելով Mehr տեղեկատվական գործակալությունը:
