Ալ. Սպենդիարյանի անվան օպերայի և բալետի ազգային ակադեմիական թատրոնի բալետային կազմը հավանաբար 2012 թ-ին երկամսյա հյուրախաղերով հանդես կգա եվրոպական երկրներում: Ինչպես մամլո ասուլիսի ժամանակ ասաց թատրոնի ղեկավար Կամո Հովհաննիսյանը, հրավիրող կողմը Ֆրանսիան է, բայց այդ երկրով չեն սահմանափակվելու հյուրախաղերը: Նրանք հանդես կգան նաև Ֆրանսիայի հարևան երկրներում:
Հովհաննիսյանը նշեց, որ թատրոնի պարողները սովոր չեն նման ծանրաբեռնվածությամբ աշխատելուն, փոխարինող պարողների խնդիր էլ կա: Այդ պատճառով թատրոնը Կրասնոդարից կհրավիրի բալետի պարողների: Բացի դրանից, ղեկավարի խոսքով վերանորոգման պատճառով թատրոնը չի գործելու, և այդ ընթացքում նրանք զբաղված կլինեն հյուրախաղերով: