ԵՄ Նախարարների խորհուրդը որոշում է կայացրել արտոնագրերի ռեժիմի պարզեցման և ռեադմիսիայի շուրջ Հայաստանի և Ադրբեջանի հետ բանակցություններ սկսելու վերաբերյալ մանդատ հատկացնել Եվրահանձնաժողովին: Ինչպես հայտնում է ԵՄ Խորհրդի մամլո ծառայությունը, որոշումը կայացվել է դեկտեմբերի 19-ին Բրյուսելում կայացած Խորհրդի նիստում:
Ստանալով ԵՄ Նախարարների խորհրդի մանդատը՝ Եվրահանձնաժողովը կկարողանա բանակցություններ սկսել Հայաստանի հետ այդ հարցի շուրջ:
Մուտքի արտոնագրերի ռեժիմի պարզեցումը չի նախատեսում վիզային ռեժիմի վերացում Հայաստանի հետ, այլ թույլ կտա կրճատել մուտքի արտոնագիր ստանալու համար անհրաժեշտ փաստաթղթերի ցանկը, նվազցենել մուտքի տուրքը և պարզեցնել վիզայի ստացումը մարզիկների, լրագրողների, ձեռներեցների համար: